المحشي من الاكلات اللذيذة جدا و المحببة لدى الجميع و انهارده اتخترلكم
محشي جميل و مميز جدا و هو محشي البصل و هو سهل و بسيط
و متوفر في كل بيت و مكوناته موجودة و متوفرة و هي :
كيلو ونصف بصل متوسط الحجم ، كيلو رز، و طماطم و ملح و فلفل أسود
وبهارات اللي تحبيها ، طماطم مفرومة بصلة مفرومة ناعم و كوب صلصة
طماطم و شوية ثوم مفروم و كزبرة مفرومة و عصير ليمونة و زيت و كوب
شوربة
نيجي للطريقة
هتقشري البصل وتغسليه كويس و بعدين هتقطعيه من النص شوية
المنتصف عشان تعرفي تفصلي الورق عن بعضه و بعدين حطيه في ميه
بتغلي عشان يطرى و تعرفي تفصلي الورقات بسهولة و بعدين هاتي حلة
و حطي فيها ملعقة زيت زيتون ثم ضعي البصل اوالثوم لمفروم والأرز الأبيض
المغسول جيدًا، قلبيهم وضعي الطماطم والملح والفلفل والبهارات والكزبرة
لمدة دقيقتين فقط و بعدين حطي الخليط في طبق للحشو. إذا كنتِ ترغبين
في وضع لحمة مفرومة، فامزجي اللحم المعصج مع خليط الأرز للحشو.
وبعدين هاتي ورقات البصل وقومي بحشوها بخليط الأرز ولفها مثل ورق
العنب أو الكرنب وهكذا. رصيه في الصينيه حطي على الوش من فوق
شوية زيت الزيتون و عصير الطماطم ونصف ليمون مع فنجان من الماء
الساخن والشوربة و الطماطم المفرومة و بعدين حطيه على النار العالية
حتي تغلي الشوربة و بعد كده وطي النار وغطيه حتي يستوي (ساعة
تقريبًا) و بالهنا والشفا