ابيات شعر غزل عراقي , اشعار العشق للحبيب

الاشعار هي كلمات متناغمة ومتناسقة تدخل إلى القلب بسهولة و الاشعار العراقية التي

تتكلم عن الحب والعشق والغزل باحلي الابيات الشعرية التي تعبر عن حبك

لاتحزن بعد وتبچي على الراح

وعوف ادموع عينك لا تبديهه

ووگف على الجرح لاتصرخ وياه

وراح اكتب قصيدة والك اهديهَ

مدينة الم روحي لاتظــن ترتاح

وانه ابن المدينة وتيهت بيه

يل عندك جرح وتگلي مجروح

انه جروحي فاضت وين اودّيه

فـاهي اللـيل يمـهم حتـى مابي لـون

ولا بـي طيـف يرهـم عالجـفن رسـمه

ماصـخ مسـتحاهم وآني مالـح طيــب

اليتبده وي غيــري بـروحـي مالمـه

بيها آعــناد روحــي وي الهـوى من يفوت

اذا يثـكل علـيّ لو مــوت مــا شمه

اليذكروني عفتهم لجل شوكي وياك

واني اتذكّرك وانت الي ناسيني

بايعني برخص واني بغلاة أشريك

مو انت الگلت بالروح تشريني ؟

روح وداعت الله بس أگلّـك ها

الي رب كريم الصبر ينطيني

هاك أخذ جرحك بعد ما أشتهيك

وكلمة انه اهواك تحچيها

وبس أوخر عنك اسنينك تطيح

اسنين عمرك .. عمري لمتجيها

ابگـاع خدينك أنه العاكس ضواي

آبمعنى آخر  انه لمحليها

ذكرياتك صارن  الطف ويزيد

حيل اكرهك من يمر طاريها

أقبل رجعتك بس عندي كومه شروط

أولهن تردلي سنين محسوبه

وثانيهن شبابي الهدر بين أوراق

وسهر ذيـچ الليالي المالهن حوبه

وثالثهن دموعي الصبّن بفرگـاك

على كل دمعه أفصلك فصل منهوبه

ورابعهن تروح تسكّت الشّمات

وتگلّهم حيل أحبّه وأبقه محبوبه

انا عيوني تسولف عالغرام ويّــاك

ومن عيوني أعرفك تفتهم قصدي

ما أحب الوكت لو خلص بلــيّاك

بالقرأن محد حبك بگـــــدي

وإذا تنساني صدگ آني ما آنساك

لأنْ غيرك محب بالدنيا ماعندي .

مو كل اليحب آيعيش فرحان ..

اكو واحد يحب بس هو يائس

واكو لمن يحب آيصارع الموت ..

ميهمه يصارع ألف فارس

ينشدونه آعله قيس وليلى كل يوم

أشو محد ذكر بالعشــگ عابس

تعال وياك أخذني وخـــــل نروح آبعيد

ونعيش الفرحه كافي وخل نعوف الهـمّ

تعبنه الوكــــــــــت والقدر بينه يدوس

مجروحين آحنه والجرح يلجـــــــــــم

محد بينه داري وعذبانـــــــه الحــآل

وألك هذا الحچـي يـلّ وحــــدك آلتفهم

كل شي يخـون بينه لكن انّـه ويّـــــآك

أبد منخون حبنه وربك اليعلـــــــــــــم

عذبني هواك ومرمر الروح

وآگـولنّ ما يهم هو يتدلل

بيت اشعار الغزل العراقي

• الدمعة من عيوني وداعت الحبيبة